المهم عشان أنا عندي 15 سنة ، و لسة قاصر ف كان الطبيعي إن جدتي وخالتي هما الهيكونو وصين علي و مع العلم انهم مكنوش بيحبو أمي ولا بيحبوني ولا عمرهم كانو بيسألو علينا علشان أمي هربت من البيت وتجوزت أبي الله يرحمو من وراهم .
المهم جدتي أفلت الشقة بتاعتها وجت تعيش ف شقتي هي وخالتي الكانت لسة مش متجوزه- بحجة انها لزم تئعد معايا عشان تاخد بالها مني و لكن هي جت عشان تبتدي المخطط الشرير إلذي كانت بتودبلو هي وخالتي .
في الأيام الأولى مكنش فيه أي مشاكل ولكن بالعكس مثلوا علي الإهتمام بي وبمصالحي حتى اطمأنيت لهم لحد ما في يوم جت خالتي ابتدت تتكلم معايا تئلي إن الأرض بتعتي عليها مشاكل ومحتاجين فلوس و أنا كل دة معرفش أصلاً ايه فلوسي وايه العندي بس كل دة عشان يوهموني إن الفلوس بتعطي بتخلص و بتقل عشان لما اكبر مسألش عليها .
و فات شهر ووجدت جدتي بتقولي إني مش هينفع أروح المدرسة تاني عشان معناش فلوس ندفع المصاريف السنه دي ، بيني وبنكم أنا فرحت أوي عشان مش حاروح وفضلت أعد في البيت بتاعي و عدت الايام و راحت عليا ثانويه عامه التي تحدد كل مستقبلي و بقيت فاشل قاعد طول الوقت في البيت مبعملش اي حاجه وطبعاً معايا جدتي وخالتي لحد ما في يوم جدتي رجعت من الشغل بتعها ( هي مش كبيرة أوي كان عندها ساعتها 48 سنة وخالتي كانت 27 )
و قالت لي " إنت كبرت دلوئتي وبائيت ذي الشحط و عندك 16 سنه مش هينفع تفضل أعد كدا من غير شغلة ولا مشغلة إنت لزم تعتمد على نفسك وتعمل حاجة ف عشتك " المهم أنا خفت أوي ومعرفتش هعمل إيه ف قلت لها لكن أنا مش بعرف اشتغل حاجة ف ردت بخبث إذاً لازم تساعد ف شغل البيت مش هنفضل أنا وخالتك نعمل كل حاجة كدا يلة خش إنجر سخن الأكل زمان خالتك رجعة من شغلها تعبانة
أنا الحقيقة استغربت جداً من طريقة الكلام و لكن قلت لنفسي عادي أكيد الدنيا حار وهي متعصبة و اكيد كان عندها شغل كتير فمش مهم يعني كلمتين و هيعدو...
و لكن الظاهر انهم مكانوش كلمتين و خلاص ، دي كانت البدايه لحياه من الذل و العذاب و هذا ما سوف نراه في الجزء الثاني.....
ارجو منكم التشجيع
... อ่านทั้งเรื่อง
